Heleen Coetzee is die hoof: Studentesake by Akademia. Coetzee verwerf ʼn DPsych in Kinder- en Adolessente Patologie en Terapie aan die Universiteit van die Vrystaat (UV). Sy het ook ʼn MA-graad in Kliniese Sielkunde (cum laude) asook ʼn MA-graad in Kommunikasiekunde en ʼn Nagraadse Onderwyssertifikaat (cum laude) aan die Noordwes-Universiteit (Potchefstroomkampus) verwerf. Coetzee se navorsingsfokus is op die bindingsteorie asook die psigologiese welstand van ma’s.

Sy was vir dertien jaar ʼn senior dosent in Sielkunde by die Noordwes-Universiteit (Potchefstroomkampus) waar sy Ontwikkelingsielkunde op voorgraadse, honneurs- asook meestersvlak doseer het. Sy was vir tien jaar die koördineerder van die meestersprogram in Kliniese Sielkunde en ook vir tien jaar koshuismoeder van Vergeet-my-nie dameskoshuis. Sy praktiseer as kliniese sielkundige en spesialiseer in kinder- en adolessente patologie en terapie. Sy begin haar loopbaan in 2002 as studentewerwer by die Noordwes-Universiteit. Later dien sy ook as adjunkdirekteur van bemarking en kliëntediens in die Bemarking en Kommunikasie Departement aan die voormalige PU vir CHO. Sy het vir drie termyne op die raad van die Noordwes-Universiteit dien en is tans ʼn lid van AfriForum se direksie.