Vakante poste
Die NP van Wyk Louw-sentrum
Akademia is ʼn Christelike, klassieke en onafhanklike hoëronderwysinstelling wat verbind is tot die uitnemende opleiding en vorming van studente vanuit en vir die Afrikaanse taal- en kultuurgemeenskappe. Akademia het tans ʼn voltydse pos in Centurion vir ʼn dosent in die Groot Boeke-program, gesetel in die NP van Wyk Louw-sentrum, beskikbaar. Om vir die pos te kwalifiseer moet ʼn kandidaat oor ʼn goeie taalvermoë beskik, ten minste drie jaar ervaring in tersiêre onderrig hê, en beskik oor ʼn meestersgraad in die geesteswetenskappe (en verkieslik in dissiplines wat deur ʼn sin vir die historiese, filosofiese, literêre en die visuele gekenmerk word). Ervaring in afstandsonderrig en die gebruik van onderwystegnologieë in die onderrig-en-leeromgewing sal in die kandidaat se guns tel.
Daar sal van die suksesvolle kandidaat verwag word om nou saam met die Fakulteit Geesteswetenskappe te werk, ʼn wye spektrum van akademiese en ander verwante take te verrig, wat onder meer insluit: die voorbereiding en dosering van die inhoud van boeke wat vir studente voorgeskryf word; die opstel en moderering van assesseringsaktiwiteite; hantering van studentenavrae; lesings oor en opleiding in die Groot Boeke-program aan dosente en personeel in die algemeen, asook die ontwikkeling en aanbied van aanlyn kursusse vir die breër publiek.
Die ideale kandidaat vir hierdie pos moet hom- of haarself vereenselwig met die wese van Akademia en met hartstog verbind wees tot die vormingsideaal (die Groot Boeke-program neem ʼn belangrike plek in die vorming van studente in). Verder moet die kandidaat beskik oor kritiese lees- en vertolkingsvaardighede; sterk verbale en geskrewe kommunikasievaardighede; interpersoonlike vaardighede; priorisering- en tydsbestuursvaardighede; sowel as onafhanklik in ʼn spanverband kan funksioneer; inisiatief kan neem; oplossingsgedrewe wees; oor ʼn vermoë beskik om werk onder druk te voltooi; ʼn liefde vir Afrikaans hê; en as ambassadeur vir Akademia help om die instelling uit te bou.
Klik hier om vir die pos aansoek te doen. Aansoeke moet voor of op 21 Maart 2025 ingedien word. Stuur ʼn e-pos na personeelnavrae@akademia.ac.za en heg jou Afrikaanse CV daarby aan indien jy probleme met die skakel ervaar.
Fakulteit Ekonomiese en Bestuurswetenskappe
Akademia is ʼn Christelike, klassieke en onafhanklike hoëronderwysinstelling wat verbind is tot die uitnemende opleiding en vorming van studente vanuit en vir die Afrikaanse taal- en kultuurgemeenskappe. Akademia het twee onderrigleermodelle, naamlik die voltydse kampusmodel en die nauurse afstandsmodel. Akademia het tans ʼn voltydse pos in Centurion vir ʼn dosent op die vakgebied van Finansiële Rekeningkunde in die Fakulteit Ekonomiese en Bestuurswetenskappe beskikbaar.
Om vir hierdie pos in aanmerking te kom moet die kandidaat oor ʼn meestersgraad in Finansiële Rekeningkunde of ander relevante dissiplines met Finansiële Rekeningkunde of soortgelyke modules as deel van die voorgraadse of nagraadse kwalifikasie beskik. ʼn Minimum van drie jaar ervaring in onderrig of professionele opleiding is ʼn verdere voorvereiste vir die pos. Ervaring in afstand- of kontakonderrig, blootstelling aan en vorige gebruik van onderwystegnologie, kennis van en kundigheid in die elektroniese onderrig-en-leer-omgewing, praktykervaring en ervaring in die ontwikkeling van studiemateriaal sal voordelig wees. Kandidate wat oor ʼn honneursgraad beskik kan oorweeg word vir ʼn aanstelling as junior dosent.
Die ideale kandidaat moet oor sterk verbale en geskrewe kommunikasievaardighede; interpersoonlike vaardighede; priorisering- en tydsbestuursvaardighede; sowel as onafhanklik in ʼn spanverband kan funksioneer; inisiatief kan neem; oplossingsgedrewe wees; oor ʼn vermoë beskik om werk onder druk te voltooi; ʼn liefde vir Afrikaans hê; en as ambassadeur vir Akademia help om die instelling uit te bou.
Klik hier om vir die pos aansoek te doen. Aansoeke moet voor of op 25 Maart 2025 ingedien word. Stuur ʼn e-pos na personeelnavrae@akademia.ac.za en heg jou Afrikaanse CV daarby aan indien jy probleme met die skakel ervaar.
Personeel en Ontwikkeling
Akademia het ʼn pos beskikbaar vir ʼn voltydse beampte binne die Personeel en Ontwikkeling-afdeling. Die pos sal gesetel wees in die Paarl, Wes-Kaap. Dit sal wenslik wees vir die suksesvolle kandidaat om met aanstelling vir ʼn periode van vyf (5) maande in Centurion, Pretoria gebaseer te wees.
Om te kwalifiseer vir die pos word ʼn baccalaureusgraad in Menslikehulpbronbestuur (MHB) of Bedryf- en Organisasiesielkunde (NKR-vlak 7) vereis, asook ʼn registrasie as Psigometris of Bedryfsielkundige by die Raad op Gesondheidsberoepe (HPCSA). Goeie uitgebreide kennis van relevante Suid-Afrikaanse arbeidswetgewing sal voordelig wees. Twee tot drie jaar ervaring in die menslikehulpbronomgewing is ʼn voorvereiste vir die pos. Ervaring in die menslikehulpbronprosesse, asook personeelstelsels, sterk organisatoriese vaardighede en ʼn goeie begrip van hulpbronne in organisasies en die wêreld van werk, sal in die kandidaat se guns tel. Die posbekleër sal met die matriksstruktuur, operasioneel aan die bedryfsbestuurder in die Paarl en funksioneel aan die hoof: Personeel en Ontwikkeling in Centurion rapporteer. In noue samewerking met ander afdelingshoofde, sal die suksesvolle kandidaat verantwoordelikheid neem om te verseker dat die personeelbeplanning en personeelstrategie in die Wes-kaap effektief geïmplementeer word.
Daar sal van die posbekleër verwag word om ʼn wye spektrum van take te verrig met betrekking tot werwing en keuring, psigometriese assesserings, algemene personeeldienste, personeelontwikkeling, die bywerking en instandhouding van MHB-verwante inligting en stelsels. Daar sal ook van die suksesvolle kandidaat verwag word om ʼn bydra te lewer en inisiatiewe voort te bring rakende personeelwelstand, en Personeel en Ontwikkeling-projekte. Die ideale kandidaat sal ook getaak word in posevaluering en die opstel van posbeskrywings in lyn met die organisasie-ontwerp, die uitvoer van aanstellings- en uittredeprosesse, betaalrolprosesse asook algemene administrasie en die verlening van bystand aan die hoof: Personeel en Ontwikkeling.
Die ideale kandidaat sal onderskei word deur uitstekende interpersoonlike, mense- en kommunikasievaardighede, sterk probleemoplossingvaardighede, administratiewe vaardighede en organiseringsvaardighede, energie en ywer, vermoë om onafhanklik en binne ʼn span te werk en inisiatief te neem, goeie tydsbestuur en prioritiseringsvermoë, deursettingsvermoë, goeie rekenaarvaardighede, die vermoë om onder hoë druk te funksioneer, ʼn oog vir detail en ʼn sterk etiese ingesteldheid.
Klik hier om vir die pos aansoek te doen. Aansoeke moet voor of op 24 Maart 2025 ingedien word. Neem kennis dat slegs aansoeke oorweeg word wat deur middel van die skakel ingedien word. Stuur gerus ʼn e-pos na personeelnavrae@akademia.ac.za indien jy probleme met die skakel ervaar.
Akademia is ʼn Christelike, klassieke en onafhanklike hoëronderwysinstelling wat verbind is tot die uitnemende opleiding en vorming van studente vanuit en vir die Afrikaanse taal- en kultuurgemeenskappe. Akademia het tans ʼn voltydse pos in Centurion vir ʼn bestuurder in die Personeel en Ontwikkeling-afdeling beskikbaar. Om vir die pos te kwalifiseer word ʼn Baccalaureusgraad op NKR-vlak 7 vereis, asook ʼn registrasie as psigometris of bedryfsielkundige by die Raad op Gesondheidsberoepe (HPCSA). Verdere voorvereistes vir die pos is ʼn minimum van agt jaar ervaring in organisasieontwikkeling wat onder andere insluit, organisasieontwerp, personeelopleiding en -ontwikkeling, werksmagbeplanning, personeelwelstand en organisasiediagnose. Die suksesvolle kandidaat moet ook beskik oor drie jaar se bestuurservaring. Ervaring in die hoëronderwysinstelling en/of akademiese velde sal in die kandidaat se guns tel. Die suksesvolle kandidaat sal aan die hoof: Personeel en Ontwikkeling rapporteer.
Daar sal van die posbekleër verwag word om nougeset saam met die hoof van die afdeling te werk om ʼn wye spektrum van personeelontwikkelingstake te verrig. Dit sluit onder meer in: die deurlopende hersiening van personeelbehoeftebepalings, talentverkryging en identifisering van kritiese poste in die instelling, asook bystand met opvolgbeplanning vir poste; die meting en monitering van organisasiekultuur en die uitvoer van personeelvormingstrategieë. Daar mag ook van die suksesvolle kandidaat verwag word om ʼn bydra te lewer tot die ontwikkeling en daarstel van werknemersprestasie-inisiatiewe en verslagdoening oor primêre hindernisse en suksesse.
Die ideale kandidaat vir hierdie pos moet hom- of haarself vereenselwig met die wese van Akademia en verbind wees tot die vormingsideaal, aangesien die Groot Boeke-program ʼn belangrike plek inneem in die vorming van studente en personeel. Verder moet die kandidaat beskik oor sterk bestuur- en interpersoonlike vaardighede; verbale en geskrewe kommunikasievaardighede; tydsbestuursvaardighede; sowel as onafhanklik of in spanverband kan funksioneer; inisiatief kan neem; oplossingsgedrewe wees; oor ʼn vermoë beskik om werk onder druk te voltooi; ʼn liefde vir Afrikaans hê; en as ambassadeur vir Akademia help om die instelling uit te bou.
Klik hier om vir die pos aansoek te doen. Aansoeke moet voor of op 31 Maart 2025 ingedien word. Stuur ʼn e-pos na personeelnavrae@akademia.ac.za en heg jou Afrikaanse CV daarby aan indien jy probleme met die skakel ervaar.
REGISTREER VIR ONS NUUSBRIEF EN BLY OP HOOGTE MET AKADEMIA SE NUUS EN GEBEURE
