Menu
Menu
koshuis@Leriba bied veilige, privaat koshuisverblyf aan 143 Akademia-studente in Clubview, Centurion. Die perseel is ongeveer 1,2 km vanaf die voltydse Centurion-kampus.
HUISKOMITEE 2023 | HUIS STRELITZIA
Die koshuiswebblad word tans hersien. Laai gerus hier die nuuste inligting af.
Die strelitzia is ʼn pragtige plant wat volop by die koshuis@Leriba-perseel blom en wat boonop ook eg Suid-Afrikaans is. Dit het ʼn natuurlike skoonheid en is uiters aanpasbaar in moeilike omstandighede. Vandaar die naam vir die dameskoshuis, Huis Strelitzia. Die handelsmerk word gekenmerk deur die kleure lig- en donkergroen wat groei en optimisme beteken en ook na die skoonheid van natuur verwys. Die ander kleure is oranje wat na energie en entoesiasme verwys en pienk wat vroulik en liefdevol beteken.
Bóchulè Swanepoel
Primaria, Finansies en Klerasie, Kultuur
Marzé Becker
Onderprimaria, Seniors en Dissipline, Sosiaal, Gemeenskap
Kayla van der Ryst
Sport, Sekretaresse, Bemarking en Kommunikasie
HUISKOMITEE 2023 | HUIS HENNOPS
Die manskoshuis op koshuis@Leriba se naam is afgelei van die Hennopsrivier wat alombekend is en deur die Centurion-omgewing vloei. Die riviersimboliek is sterk aangesien ʼn rivier dui op lewe en die toerus van lewe. Die rivier spruit vanuit die sterk Olifantspruit en vandaar die majestieuse olifant op die handelsmerk van die manskoshuis. Die aardse kleure van die koshuishandelsmerk verwys na die natuur en rustigheid van die omgewing. Die sandbruin, donkerblou van die water en die groen van die natuur verwys na ontspanning, uithouvermoe en selfversekering.
Dandré Nortjé
Primarius, Kultuur, Akademie, Ondersteuning, Finansies en Klerasie
Christiaan Wessels
Onderprimarius, Dissipline en Sosiaal
Cameron Ungerer
Eerstejaars, Sport, Bemarking en Kommunikasie
Janku van der Merwe
Gemeenskap, Sekretaris, Instandhouding en Seniors
Huisves 143 studente.
Dubbelkamers met aangrensende badkamers.
Aparte mans- en damesblokke is beskikbaar.
Kamers is ten volle toegerus met ʼn lessenaar per student, twee enkelbeddens, bedtafel, ingeboude kaste, en koffiestasie met klein yskas.
Veilige opelugparkering beskikbaar.
Was- en opdrooggeriewe op die perseel.
Swembad en braaigeriewe op die perseel beskikbaar.
Studiesale is beskikbaar.
Daar is ʼn toegangsbeheergimnasium beskikbaar aan studente.
R6 185 per student vir ʼn dubbelkamer per maand (R1 300 se etes ingesluit)
Huurders doen aansoek vir ʼn kamer op die verdieping van hulle keuse. Aansoeke word chronologies hanteer. Dit wil sê dat huurders wat eerste aansoek vir verblyf doen en eerste toelating tot studies by Akademia kry, voorkeur geniet. Kamers word opgedeel in dames- en manseenhede.
Kontakbesonderhede oor koshuisverblyf
Stuur ʼn e-pos na koshuisverblyf@akademia.ac.za.
Maak gerus ʼn afspraak om die eenhede en omliggende fasiliteite te besigtig.
REGISTREER VIR ONS NUUSBRIEF EN BLY OP HOOGTE MET AKADEMIA SE NUUS EN GEBEURE
Akademia MSW (Maatskappyregistrasienommer: 2005/024616/08) is by die Departement van Hoër Onderwys en Opleiding as privaat hoëronderwysinstelling geregistreer ingevolge die Wet op Hoër Onderwys, 1997 • Registrasienommer: 2011/HE08/005 | © Kopiereg 2024 – Akademia – Alle Regte Voorbehou
Privaatheidbeleid | Vrywaring | HelpDesk tool provider: HelpDesk | Chat provider: LiveChat
Akademia-skenkingsfonds
Eerste Nasionale Bank
Rekeningnommer: 62857561445
Takkode: 210554
Verwysing: Jou selfoonnommer
Voeg die volgende klousule tot jou testament by. (Vervang self die bedrag.)
Ek bemaak ʼn kontantbedrag van R100 000.00 (Eenhonderd Duisend Rand) aan AKADEMIA MSW met registrasienommer: 2005/024616/08 geregistreer by die Departement van Hoër Onderwys en Opleiding as ʼn privaat hoëronderwysinstelling ingevolge die Wet op Hoër Onderwys, 1997 onder registrasienommer: 2011/HE08/005.
Laat jou besonderhede hieronder dan sal ‘n skenkingsfondsbestuurder met jou kontak maak.
083 254 0142
skenking@akademia.ac.za
Ek sien uit daarna om jou persoonlik te ontmoet en jou unieke bydrae en nalatenskap te bespreek.
