Huis Dahlia - Akademia

Die Dahlia-blom simboliseer elegansie, innerlike krag, verandering,
kreatiwiteit en waardigheid – dui ook aan op nuwe begin, blywende
vriendelikheid, genade en toewyding aan dit wat goed is.

Huiskomitee

2023/2024

MARZÉ BECKER

Primaria

ANNEKE DU TOIT

Onderprimaria

MONIQUE SCHLESINGER

Eerstejaarsverteenwoordiger

ALONÉ ARNOLDI

Kuns en Kultuur

FRANCES DREYER

Sport en Sosiaal

ANAIS KLINGBIEL

Gemeenskap en Geloof

Koshuiswaardes

EGTHEID: ’n Dame vind identiteit deur God en nie deur ander nie. Sy is eg teenoor haarself, en daardeur sal haar aksies en oortuigings ooreenstem.

DIENSBAARHEID: ’n Dame tree op in diensbaarheid vir haar gemeenskap, want deur ander te dien, dien jy ook jouself.

NEDERIGHEID: ’n Dame sien haar waarde sonder hom haarself te verhoog. “Onselfsugtigheid beteken nie om minder van jouself te dink nie maar om minder aan jouself te dink.”

VEERKRAGTIGHEID: ’n Dame wat in veerkragtigheid lewe word nie deur hindernisse omvêr gegooi nie, maar sien eerder elke gebeurtenis as ’n geleentheid vir groei.

DANKBAARHEID: ’n Dankbare gees kan nie van jou verneem word sodra dit gekweek is nie. ’n Dame leef met ’n dankbare gees en weet dat dit wat sy het nie uit verdienste kom nie, maar eerder dat dit aan haar toevertrou is.

INTENSIONALITEIT: ’n Dame heg ’n “hoekom” aan haar doelwitte, en tree daarin op met goeie rede.

In Huis Dahlia beskou ons waardes as ’n leefstyl en nie woorde wat net herhaal word nie.
Ons waardes is die morele beginsels en standaarde van ons Huis. “Om te streef” is wat
ons hand aan hand met ons waardes wil bereik. Hierdeur vestig en koester ons ’n
Spreuke 31-vrouweeskultuur en ’n hart wat gesamentlik klop.

Algemene vrae

KOSHUISKOSTES

R5500 per maand.
Die kostes word as volg uiteengesit: R5000 huurkostes || R500 vir gemeenskaplike etes deur Spys

WAT IS DIE KOSHUISKAS?

Die koshuiskas is ŉ jaarlikse betaling van R300 wat deur elke student betaal word om deel te neem aan ons bruisende studentelewe en koshuislewe. Daardie finansies word gebruik om verskeie sport-, kultuur-, gemeenskap- en sosiale aksies moontlik te maak.

HOEKOM IS DIT VIR ŉ INSTELLING SOOS AKADEMIA EN DIE KOSHUISE SO BELANGRIK DAT ALMAL SAAMEET?

Vir studente om op hulle beste te kan funksioneer is gesonde en bekostigbare etes uiters belangrik. Sodoende skep die koshuisbestuur en die instelling gereelde geleenthede en platforms om in samesyn te eet. Daar sal deur die jaar weeklikse etes wees waaraan koshuisinwoners deelneem en mekaar beter leer ken.

DIE VOLGENDE ITEMS IS NIE TOELAATBAAR IN DIE WOONSTEL NIE

Verwarmers met oop elemente (Brandgevaar)

Enige gastoestelle

Geen foto’s teen mure of kaste nie

GERIEWE WAT OP DIE PERSEEL BESKIKBAAR IS

Klubhuis
Twee wasmasjiene
Braaigeriewe
24 uur permanente sekuriteit op perseel
24 uur toegangsbeheer
Parkeerarea

MAG EK ’N MOTOR HÊ?

Daar is veilige opelugparkering en jy mag ŉ motor hê. Eerstejaars het spesifieke geallokeerde parkering.

HOE LYK MY WOONSTEL SE UITLEG EN WAT IS BELANGRIK OM TE WEET

Die volgende is belangrik om te weet in terme van jou woonstel kamer se uitleg:

Daar is twee kamers per woonstel en een aangrensende badkamer.
Die beddens is enkelgrootte.
Studente is verantwoordelik vir die skoonmaak van hul eie woonstelle (skottelgoedseep, middels om stort en toilette skoon te maak).
ŉ Stofsuier is opsioneel, ons beveel wel ŉ besem aan.
Woonstelle is ten volle toegerus met ŉ ingeboude lessenaar per student, ŉ enkelbed en matras per student en ingeboude kaste per kamer.
ŉ Yskas, ketel en mikrogolfoond word sterk aanbeveel vir jou woonstel.
Wasmasjien/tuimeldroër (opsioneel).
Daar is slegs plek vir een wasmasjien/tuimeldroër indien dit aangekoop word, nie vir albei studente nie.
Studente moet hulle eie toiletpapier bring.
Geen private beddens sal toegelaat word nie.

Studenteondersteuning

Kontak ons by vangnet@akademia.ac.za om die volgende ondersteuning te ontvang:

Beradingsdienste (vir persoonlike en/of emosionele uitdagings)
Akademiese stres
Tydsbeplanning
Uitdagings om aan te pas in die nuwe lewensfase
Basiese onderrig-en-leer-ondersteuning

Vir enige navrae kan die koshuisbestuur gekontak
word by huisdahlia@akademiastudente.co.za.

REGISTREER VIR ONS NUUSBRIEF EN BLY OP HOOGTE MET AKADEMIA SE NUUS EN GEBEURE

Kampusopedag op 10 en 11 Mei is oor