Studenteondersteuning

*Die Paarl-kampus is voorlopig goedgekeur

Studentesake

Studenteondersteuning

Jy is méér as net ŉ studentenommer!

Hoe lyk studenteondersteuning by Akademia?

Akademia is daartoe verbind om die denke én hart van sy studente te vorm met die oog op ŉ vrye toekoms. In die lig hiervan het Studenteondersteuningsdienste dit ten doel om Fonties nie net op hul studiereis te ondersteun nie, maar ook in hul persoonlike lewe leiding te bied.

Ontmoet die span

Dr. Heleen Coetzee
Hoof: Studentesake

Elana Kriel
Opvoedkundige sielkundige

Dr. Annelize van Antwerp
Voorligtingsielkundige

Michelle van Niekerk
Beampte: Studentewelstandsondersteuning

Dr. Mandie Dubery
Maatskaplike werker

Akademia bied emosionele, akademiese, maatskaplike en finansiële ondersteuning aan studente. Studenteondersteuningsdienste behels ook loopbaanadvies en -voorbereiding om Fonties gereed te maak vir die werksplek. Hierdie ondersteuning vind plaas deur verskeie aksies en programme wat deur die loop van die jaar deur die multiprofessionele span aangebied word.

Studenteondersteuning

Professionele leerondersteuning en -ontwikkeling word deur middel van individuele en/of groepkonsultasies aan voltydse, nauurse en e-leerstudente aangebied. Studenteondersteuning bied ŉ veilige en vertroulike omgewing aan studente waarin hul welstandsondersteuning ontvang.

Help ŉ Fontie-komitee

As deel van Akademia se taak om die denke én hart van elke student te ontwikkel, vorm die Help ŉ Fontie-komitee deel van die Studenteondersteuningsdienste. Hierdie komitee bestaan uit studente wat opgelei word om ander studente te dien. Die navorsing wys keer op keer vir ons dat studente dikwels meer effektief bereik word wanneer hulle ŉ gevoel van behoort ervaar maar ook wanneer hulle deur medestudente ondersteun word. Die Help ŉ Fontie-komitee vervul hierdie rol uitstekend deur die nodige opleiding te ontvang om ander Fonties te ondersteun en hulle dan sodoende te verwys na die gepaste professionele dienste wat deur die Studenteondersteuningsdienste verskaf word.

Die Kuns van Studentwees

Akademia bied ŉ buitekurrikulêre program genaamd die Kuns van Studentwees aan. Hierdie program bestaan uit drie spesifieke fokusareas van ontwikkeling:

Akademiese geletterdheid sluit opleiding en ontwikkeling in basiese rekenaarvaardighede, akademiese taal- en skryfvaardighede, basiese akademiese navorsing, leerstrategieë en wenke vir die aflê van assesserings in.
Die Groot Boeke-program poog om studente ŉ gebalanseerde insig in hul eie historiese, kulturele en geestelike identiteite te bied, wat studente toerus en in staat stel om krities met die ideologieë van ons tyd om te gaan.
ŉ Psigososiale bewusmakingsprogram wat deur die loop van die jaar aan studente as inligtingsaande, besprekingsessies en groepsgesprekke aangebied word. Temas wat tydens hierdie geleenthede bespreek word, sluit die ontwikkeling van identiteit, gesonde verhoudingsbeginsels, produktiwiteit en jou rol in die gemeenskap in.

Studentesake