Raak Betrokke - Akademia

Akademia staan vir die idee van ’n selfstandige

AFRIKAANSE UNIVERSITEITSWESE

Met jou hulp sal ons dit verwesenlik. Raak gerus op een of meer van die volgende maniere betrokke.

FINANSIËLE BYDRAES – SKENKINGSFONDS

Akademia is ŉ hoëronderwysinstelling vir en vanuit die Afrikaanse taal- en kultuurgemeenskap. Daar is tans meer as 3 100 studente wat aan Akademia studeer waarvan baie finansiële ondersteuning nodig het.

Deur middel van hierdie skenkingsfonds is daar ŉ volhoubare model geskep om skenkings te werf wat tot voordeel van Akademia se studente en die Afrikaanse gemeenskap aangewend.

JY KAN HELP OM STUDIEDROME TE VERWESENLIK!

*Meeste skenkings is belastingterugeisbaar, en die Akademia-skenkingsfonds reik graag ŉ artikel 18A-sertifikaat in hierdie verband uit.

MANIERE OM BY TE DRA

ŉ Kapitale bedrag te skenk.
Behoeftige studente toegang tot studie te verleen deur ŉ studielening te skep. Beurse word ook verwelkom.
ŉ Klousule in jou testament by te voeg om ŉ erflating aan die Akademia-skenkingfonds te bemaak, en sodoende ook op boedelbelasting te spaar.
Deur middel van toegewysde fondse ŉ fonds te stig wat jou passie laat voortleef in ŉ spesifieke rigting.
ŉ Maandelikse bydrae deur PayFast te skeduleer.
Toerusting te skenk. Loer gerus na ons skenkingslys vir ons behoeftes.

JY KAN HELP OM STUDIEDROME TE VERWESENLIK!

Bankbesonderhede vir bydraes tot die Akademia Skenkingsfonds
Kampus Trust IT 1807/12
Eerste Nasionale Bank
Rekeningnommer: 62857561445
Takkode: 210554
Verwysing: Jou selfoonnommer

Stuur asb. bewys van betaling na skenking@akademia.ac.za sodat ons jou persoonlik kan bedank en ŉ artikel 18a-sertifikaat kan uitreik.

Om ’n finansiële bydrae tot Akademia te lewer, stuur asseblief ’n e-pos na skenking@akademia.ac.za.

ANDER SKENKINGS

Akademia bou aan ŉ universiteit en kan dit slegs doen met die hulp, ondersteuning en bydraes van die gemeenskap. Akademia het ŉ skenkingslys saamgestel met items wat deur die instelling benodig word. Enige gebruikte, maar opgepaste items op die wenslysie kan ŉ waardige tuiste by Akademia vind. Stuur ŉ e-pos aan skenking@akademia.ac.za vir enige skenkings. Saam bou ons aan ŉ Afrikaanse studietuiste vir die gemeenskap!

Ons studentesakeafdeling is die lewensaar van die studentelewe en studente-ondersteuning. Die studentelewe is in ŉ vestigingsfase en studente neem reeds deel (of sal binnekort kan deelneem) aan gholf, drama, aksie-netbal, pretstappe, stapklubs, wynklub, koffieklubs, studentekuiers, boekbesprekings, koor, Totiusdag, gemeenskapsprojekte, gedigtekompetisies, speletjiesaande en vele meer.

ITEMS WAT KAN HELP OM DIE STUDENTELEWE VERDER IN TE KLEUR:

Musiekinstrumente, soos ŉ klavier
Koorbankies
Studentebus vir aktiwiteite en toere
Netjiese bankies en stoele
Generiese netbalbeffies
Sporttoerusting, soos vlugbalnette, rolbalstel, skaakstel en krieketstel
Bordspeletjies
Konserttoebehore
Konsertkostuums

Die Mediasentrum op die kampus open amptelik sy deure in 2021. Te danke aan onbaatsugtige skenkings van boeke en hofverslae kon Akademia dié sentrum met waardevolle skatte vul. Lees hier meer oor wat die Mediasentrum tans bied.

ITEMS WAT KAN HELP OM DIE MEDIASENTRUM VERDER UIT TE BREI:

Akademiese boeke
Digbundels of ander waardevolle leesstof

Laboratoriuminstrumente: Om volwaardige laboratoriums vir Fisika, Chemie, Dierkunde, Plantkunde, Grond en Water op die been te bring.
Mobiele laboratorium: Om ŉ toegeruste mobiele laboratorium vir Chemie, Dierkunde, Plantkunde, Grond en Water in ŉ skeepsvraghouer te skep.
Borsbeeld: WL Grant: ŉ Brons of graniet borsbeeld van wyle dr. WL Grant ter aansluiting tot ons jaarlikse WL Grant-gedenklesing en (dalk eerder -sentrum of -gerief as fasiliteit) op die nuwe kampus.
Sonhorlosie: Sonhorlosiemonumentuitleg op die Akademia-kampus om bewusmaking van die fakulteit te kweek.
Mikroskope: Goeie mikroskope vir mikrobiologiese waarnemings van grond en waterorganismes.
Weerstasie: Toegeruste elektroniese weerstasie vir waarnemings op die toekomstige Akademia-kampus.
Trekker: Vir gebruik in Landbouwetenskappe op die toekomstige Akademia-kampus.
Bakkie: Enkel- of dubbelkajuitbakkie vir gebruik in Natuurwetenskappe as vervoermiddel van kampus- en/of navorsingstoerusting.
Prestasiepryse: Pryse aan studente wat uitnemend presteer (bv. ŉ jaarlikse boekprys of kontantprys vernoem na ŉ persoon of instelling).
Bronsplate op kliptafels: Bronsplate om die geskiedkundige uitstallings op die kampus te verwoord, byvoorbeeld by elke historiese kraal op die proefplaas.

BY AKADEMIA IS ALGEMENE SKENKINGS OOK WELKOM:

Waardevolle geskiedkundige items
Maatskappypoelmotor
Werkende kamera met lense
Werkende mikrofoon/klanktoerusting vir onderhoude
Kamerabeligting
Fotohokkie
Lamineermasjiene
Snymasjien
Kunswerke
Afrikana
Beelde

HIER IS VOORBEELDE VAN ONLANGSE SKENKINGS:

ŉ Waardevolle lugdruk-skenking aan Akademia.
Akademia ontvang met trots fotografiepublikasies van die bekende sportfotograaf Wessel Oosthuizen.
Akademia ontvang Daniel Hugo-literêre versameling.
Akademia ontvang die versamelde werke van Joost van den Vondel.
Akademia-mediasentrum ontvang waardevolle Suid-Afrikaanse hofverslae.
Akademia ontvang kommunikasieboeke van Coenie de Villiers.

BEPALINGS EN VOORWAARDES

As gevolg van beperkte spasie en omdat Akademia steeds in ŉ groeifase is, mag dit dalk nodig wees om geskenkte items – wat eers later gebruik gaan word – in ŉ veilige stoor/ruimte op ŉ ander perseel te berg.

In die geval van boekskenkings en beperkte spasie in die mediasentrum sal alle boeke eers aan ’n siftingsproses onderwerp word om te verseker dat gehalteboeke aan studente verskaf word. In geval van boeke wat nie ŉ waardige tuiste in Akademia se mediasentrum kan vind nie, sal dit aan Helpende Hand se Ons Winkel of aan ŉ ander gepaste ontvanger geskenk word om gemeenskapsprojekte te ondersteun.

Akademia hou graag rekord van ons vriende wat skenkings of donasies maak. Akademia sal graag ons skenkers kontak om te hoor of ons hul kontakbesonderhede op ŉ donateurslys mag plaas.

Is daar ander items wat jy graag wil skenk? Stuur gerus ŉ e-pos aan skenking@akademia.ac.za.

Wil jy op ’n ander wyse bydra? Stuur ’n e-pos met jou voorstel na skenking@akademia.ac.za.

REGISTREER VIR ONS NUUSBRIEF EN BLY OP HOOGTE MET AKADEMIA SE NUUS EN GEBEURE

AFRIKAANSE UNIVERSITEITSWESE

BEPALINGS EN VOORWAARDES

OOR AKADEMIA

STUDEER

GEMEENSKAP

ANDER INLIGTING

AFRIKAANSE UNIVERSITEITSWESE

BEPALINGS EN VOORWAARDES

OOR AKADEMIA

STUDEER

GEMEENSKAP

ANDER INLIGTING

Direkte inbetaling: Bankbesonderhede

Testamentêre bemaking

Zander Botha: Skenkingsfondsbestuurder