Studieaansoeke vir 2025 is reeds oop

Search
Close this search box.

Dink of Sink-debat verskep studente se argumente

Geskryf deur Kayla Roets, Fontiepos-joernalis

Fonties het onlangs deelgeneem aan ʼn opwindende en intellektuele kragmeting by koshuis@Leriba. Danksy baie toewyding en entoesiasme het die langverwagte interne Dink of Sink-kompetisie vir groot opwinding gesorg. Die Akademia-spanne het deelgeneem teen ʼn span van AfriForum Jeug in hierdie interne kompetisie.

Akademia-spanne het hul ervaring gedeel en hul aanvanklike senuweeagtigheid erken. Soos die kompetisie gevorder het, het ʼn noemenswaardige transformasie ontvou. Deelnemers het meer selfvertroue in hul vermoëns gegroei en die kompetisie met nuutgevonde krag aangegryp. Die tweede ronde het ʼn oplewing van selfversekerdheid beleef toe hulle hulself vertroud gemaak het met die dinamiek van die kompetisie en die mosie wat hulle ontvang het ten volle omhels het.

Hulle het ook dankbaarheid uitgespreek vir die geleentheid om teen formidabele opponente mee te ding. Die atmosfeer is gekenmerk deur wedersydse ondersteuning, respek en samewerking tussen verskillende organisasies.

Die kompetisie het die jong debatteerders uitgedaag om hul denke en argumente te verskep om sodoende as wenners uit die stryd te kon tree. Ollie Brown, een van die deelnemers, het spanwerk uitgewys as die hoogtepunt van die kompetisie. Sy kon op haar spanmaats staatmaak en die vertroue tussen hulle het eindelik die weg gebaan tot die eerste plek op die podium. Sy het ook die belangrikheid van terugvoer wat ná elke rondte ontvang word beklemtoon, aangesien dit die span gehelp het om daaropvolgende rondes met selfs groter sukses aan te pak.

Karein van Zyl, ʼn toegewyde deelnemer aan Dink of Sink-debat, het haar span se gretigheid gedeel om volgende jaar weer deel te neem. Hulle het ʼn goed gestruktureerde plan uitgespreek om ywerig te oefen, met die doel om nie net deur te dring na die amptelike Dink of Sink-kompetisie nie, maar om ʼn oorwinning teen sterk teenstanders van groter universiteite te verseker.

Die wenspan het bestaan uit Christine Kriel, Corlia Baker, Ollie Brown en Myrtle Endley. Hier is hulle saam die beoordelaars.

 

Alle Fontiepos-artikels is deur studente vir studente geskryf en weerspieël nie noodwendig Akademia se mening of standpunt nie.