L-E-E-S!
Die L-E-E-S!-projek is daarop gefokus om leesvaardighede en taalbegrip onder skoolleerders te bevorder met die doel om leerders se taalvaardighede vir universiteitsvlak te slyp. Die projek vind plaas in die groot Afrikaans 100-eeufeesjaar – juis om Afrikaans as onderrigtaal te bevorder. Die projek gebruik verskeie aktiwiteite en hulpbronne om ʼn omvattende leerervaring te bied.
Kompetisies
Akademia bied kompetisies in samewerking met verskeie instellings aan vir leerders om hul taal- en leesbegrip te bevorder.
Idiomekompetisie | Idiomepret
Die doel van Podiumpret is om leerders se kennis van idiome en hul betekenis te versterk deur middel van ʼn opwindende kompetisie. Leerders kan voorberei deur die Podiumpret-bordspeletjie te speel wat idiome op ʼn speelse wyse bekendstel en Afrikaans as taal bevorder. Die kompetisie help leerders om taalvaardigheid en -begrip in Afrikaans te ontwikkel, terwyl dit terselfdertyd taalpret aanmoedig en bydra tot hul liefde vir die taal.
Koop die speletjie HIER aan
Vir meer inligting kontak vir Carolina van der Westhuizen op 083 415 9083 of klik HIER
UitklopSpel aangebied deur die ATKV in samewerking met Akademia
Die doel van UitklopSpel is om taal- en begripvaardighede by leerders te bevorder deur ʼn spelkompetisie by verskeie skole, wat oor nege provinsies strek, aan te bied.
Klik HIER vir datums
Kontak vir Nellie de Beer op 082 819 5923 of stuur ’n e-pos na nelliedebeer1@gmail.com vir meer inligting.
Debatskompetisie: Dink of Sink
Die doel van die debatskompetisie is om leerders die geleentheid te gee om aan debatvoering deel te neem. Die debatskompetisie fokus daarop om Afrikaans onder hoërskoolleerlinge te bevorder, goeie kommunikasievaardighede te kweek en om die jeug van vandag aan te moedig om ingelig te wees oor aktuele sake.
Klik HIER vir meer inligting.
Klik HIER vir datums
Interskole redenaarsliga
Die nasionale interskole redenaarsliga het sedert 2012 gegroei tot een van die grootste en mees gesogte nasionale kompetisies in sy veld. Die provinsiale ronde vir Gauteng (Boksburg- en Pretoria-streek), sowel as die Noordwesprovinsie, vind in persoon plaas en provinsiale uitdunne vir alle ander provinsies, vind regstreeks per WhatsApp-video-oproep plaas. Die nasionale ronde vir alle provinsies, vind in persoon plaas te Wits-universiteit.
Klik HIER vir datums
VivA- aanlyn taalkompetisie in samewerking met Akademia, Afrikaans 100 en RSG
Inligting by die VivA- aanlyn taalkompetisie: Sal so gou as moontlik deurgee word.
Vennote
REGISTREER VIR ONS NUUSBRIEF EN BLY OP HOOGTE MET AKADEMIA SE NUUS EN GEBEURE
