L-E-E-S!
Die L-E-E-S-!-platform is ʼn versamelpunt van nuttige taal- en leeshulpbronne en -aktiwiteite om by te dra tot die bevordering van Afrikaanse taal- en leesvaardighede. Die platform is die uitvloeisel van die Afrikaans 100-feesvieringe. Die fokusareas is:
Aanmoediging van ʼn leeskultuur: Moedig die gemeenskap aan om te lees deur leesmateriaal beskikbaar te stel wat by leerders se belangstellings aansluit.
Ondersteuning van taalontwikkeling: Skep ʼn omgewing wat toegang bied tot woordraaisels, speletjies, leeslyste, oefenvraestelle, taaloefeninge, en ander.
Skakeling met Afrikaanse taalgemeenskappe: Werk saam met skole, biblioteke, en ander rolspelers om ʼn platform te bied tot leesbronne met die doel om ʼn liefde vir lees te kweek.
Fasilitering van taalkompetisie: Van stapel stuur, organiseer en ondersteun van verwante kompetisies om bewusmaking te kweek rondom die belangrikheid van taalvaardigede.
Kompetisies
Akademia bied kompetisies in samewerking met verskeie instellings aan vir leerders om hul taal- en leesbegrip te bevorder.
Woordmeesters
Akademia se Woordmeesters-taalkompetisie in samewerking met die Virtuele Instituut vir Afrikaans (VivA) en Pretoria FM, sorg vanaf 26 Mei tot 6 Julie 2025 vir opwindende taalpret vir oud en jonk. Die finale ronde van dié taalkompetisie vind op 14 Augustus (Afrikaanse Taaldag) plaas. Hierdie kompetisie bied aan taalliefhebbers die kans om hul kennis van idiome, spelreëls, gesegdes en ander taaltoepassings op die proef te stel en só aktief hulself met die taal te besig.
Klik hier om te registreer vir die kompetisie.
UitklopSpel aangebied deur die ATKV in samewerking met Akademia
Die doel van UitklopSpel is om taal- en begripvaardighede by leerders te bevorder deur ʼn spelkompetisie by verskeie skole, wat oor nege provinsies strek, aan te bied.
Klik HIER vir datums
Kontak vir Nellie de Beer op 082 819 5923 of stuur ’n e-pos na nelliedebeer1@gmail.com vir meer inligting.
Debatskompetisie: Dink of Sink
Die doel van die debatskompetisie is om leerders die geleentheid te gee om aan debatvoering deel te neem. Die debatskompetisie fokus daarop om Afrikaans onder hoërskoolleerlinge te bevorder, goeie kommunikasievaardighede te kweek en om die jeug van vandag aan te moedig om ingelig te wees oor aktuele sake.
Klik HIER vir meer inligting.
Klik HIER vir datums
Interskole redenaarsliga
Die nasionale interskole redenaarsliga het sedert 2012 gegroei tot een van die grootste en mees gesogte nasionale kompetisies in sy veld. Die provinsiale ronde vir Gauteng (Boksburg- en Pretoria-streek), sowel as die Noordwesprovinsie, vind in persoon plaas en provinsiale uitdunne vir alle ander provinsies, vind regstreeks per WhatsApp-video-oproep plaas. Die nasionale ronde vir alle provinsies, vind in persoon plaas te Wits-universiteit.
Klik HIER vir datums
Vennote
REGISTREER VIR ONS NUUSBRIEF EN BLY OP HOOGTE MET AKADEMIA SE NUUS EN GEBEURE
