In ʼn wêreld waar tyd as ʼn kommoditeit van onskatbare waarde beskou word, kan verdere studie soms soos ʼn luukse voel wat eerder vir “eendag” beskore is. Maar wat daarvan as dié dag vroeër eerder as later sy opwagting kan maak, en méér nóg, as die eerste tree op jou studiereis slegs ʼn uur uit jou besige skedule sal neem?

Akademia se aanlyn inligtingsessies oor studiemoontlikhede vir 2026 via die instelling se nauurse afstandsmodel bied aan jou ʼn maklik toeganklike manier om stukrag aan jou studiedrome te gee en só jou loopbaan verder uit te brei. Hierdie sessies bied ʼn gerieflike platform vanwaar jy meer oor die instelling as studietuiste, die verskillende akademiese programme, toelatingsvereistes, die aansoekproses asook die aard en wese van Fontie-wees kan leer – alles vanuit die gemak van jou eie leefvertrek. Op hierdie manier kan ʼn enkele uur se deelname die begin wees van iets veel groter, naamlik die verwerwing van ʼn toekomsgerigte en gehalte kwalifikasie terwyl jy werk of voltyds ander belangstellings nastreef.

Skryf die volgende aanlyn inligtingsessies in jou dagboek neer

• 6 November

Gevorderde Diploma in Projekbestuur

• 15 November

Nagraadse diplomas in Belasting en Bestuursrekeningkunde

• 19 November

Nagraadse Diploma in Skoolleierskap en -bestuur

• 20 November

BComHons (Ondernemingsbestuur)

• 26 November

BAHons (Filosofie)

Volgens Jeanmarie van Niekerk, leier: Bemarkingsadviseurs by Akademia, verg bywoning van ʼn aanlyn inligtingsessie nie baie van ʼn persoon nie, maar deelnemers kan verseker wees dat dit groot toekomswaarde inhou. “Deur bloot in te skakel, verkry jy insig oor Akademia, leer meer oor die verskillende programme, ontmoet dosente en huidige Fonties wat jou vrae kan beantwoord én kry ʼn realistiese blik op hoe jy jou studie in jou huidige lewensritme kan inpas. In kort: ʼn Gulde geleentheid om jouself prakties toe te rus vir jou studiereis,” verduidelik Van Niekerk.

Studieaansoeke vir die 2026- akademiese jaar word tans ingewag. Besoek die Akademia-webblad vir meer inligting.