Woordmeesters
Die Akademia-woordmeesters, in samewerking met VivA en Pretoria FM, is ʼn opwindende taalkompetisie wat aan Afrikaans-liefhebbers die kans bied om hul kennis van idiome, spelreëls, gesegdes en taalfeite op die proef te stel en deel te wees van ʼn interaktiewe taalervaring. Die kompetisie het ten doel om Afrikaans te bevorder en vind jaarliks plaas.
Die 2025-kompetisie het van 2 Junie tot 6 Julie plaasgevind, met die finaal op 14 Augustus. Leer meer hier oor die 2025-finaal.
Bly ingeskakel en begin solank voorberei vir volgende jaar se uitdagings, dalk is jy die volgende woordmeester!
Kategorieë
1. Skoolleerders van graad 10 tot 12
2. Studente vanaf enige hoëronderwysinstelling
3. Publiek
Pryse om te wen
| Kategorieë | Eerste plek | Tweede plek | Derde plek |
|---|---|---|---|
|
Skoolleerder |
R2 500 |
R1 500 |
R1 000 |
|
Studente |
R2 500 |
R1 500 |
R1 000 |
|
Publiek |
R3 500 |
R2 500 |
R1 500 |
Bykomende pryse om te wen
Skoolleerderkategorie (Graad 10 tot 12)
- Een jaar se gratis toegang tot die Wolkskool-platform.
- Die algehele kategoriewenner verkry gratis toegang tot ʼn Skryfnet-kursus van sy/haar keuse.
- Twee digitale kopieë van VivA se Ontrafel Skryftekens.
- Twee VivA-lisensies vir die gebruik van dié diens se Leesbaarheidsindeks.
Ander
- Twee VivA-lidmaatskaplisensies ter waarde van R870 elk. Hierdie lisensies sal vir ʼn jaar geldig wees.
- Vyf koeponne vir gebruik by VivA-uitgewers. Die ontvangers van hierdie prys kan self kies watter boek(e) hulle na wil luister óf lees.
Kontakbesonderhede
Stuur ʼn e-pos na nikkien@akademia.ac.za of skakel ons op 0861 222 888
Gereelde vrae en antwoorde
Dit is elke deelnemer se eie verantwoordelikheid om seker te maak dat hy/sy die finaal kan bywoon om in aanmerking te kom vir die pryse. Indien jy in die topdrie van jou kategorie eindig het jy 24 uur om die organiseerders in kennis te stel van jou bywoning, al dan nie. Indien jy nie die geleentheid kan bywoon nie verbeur jy ongelukkig jou plek in die finaal.
Elke aanlyn toets kan slegs een keer voltooi word en die stelsel laat nie veelvuldige probeerslae toe nie.
Nee, hierdie kompetisie word landwyd aangebied en enige belangstellende persoon kan in een van die gepaste kategorieë deelneem.
Ja, alle deelnemers moet geregistreer wees om in aanmerking te kom vir die pryse asook om die weeklikse aanlyn toets te voltooi. Klik hier om te registreer.
Moenie bekommerd wees as jy ʼn toetsgeleentheid misloop nie. Elke geregistreerde deelnemer het tot en met 6 Julie die geleentheid om al vyf die toetse te voltooi ten einde in aanmerking te kom vir die finaal.
Ongelukkig nie. Reiskostes bly elke individuele deelnemer se eie verantwoordelikheid.
REGISTREER VIR ONS NUUSBRIEF EN BLY OP HOOGTE MET AKADEMIA SE NUUS EN GEBEURE
