Kampusopedag
10 & 11 MEI 2024
Kom vind uit waarom studentwees meer is as net studies by Akademia se kampusopedag in Centurion.
Akademia is verbind daartoe om studente se denke én hart te vorm. Kom kuier by ons kampusopedag waar jy meer kan uitvind oor ons programaanbod sowel as ʼn voorsmakie kan kry van ons besonderse en unieke studentelewe. Bespreek jou plek om deel te wees van hierdie geleentheid!
WAAROM MOET EK DIE OPEDAG BYWOON?
Om al my studiemoontlikhede te oorweeg
Om met dosente te gesels
Om ingeligte besluite te neem
Om ʼn gesonde studentelewe in Afrikaans te ervaar
Om meer oor die Kuns van Studentwees te leer
Om medestudente te ontmoet
Om inligting by adviseurs te kry
Om koshuisverblyf te besigtig
Om vir Fontie te ontmoet
Om die hart van Akademia te ervaar
Wat kan ek van die opedag verwag?
’n Oorsig oor Akademia
Studierigtingspesifieke inligting
’n Blik op die studentelewe
Belangrike inligting
- As gevolg van beperkte kapasiteit van lokale versoek ons dat voornemende studente deur slegs twee gaste vergesel word.
- Dit is nie nodig om apart te bespreek vir die gaste nie. Slegs een registrasie per voornemende student is nodig.
MEER OOR DIE TWEE KAMPUSSE IN CENTURION
Vanaf 2024 spog Akademia met twee kampusse in Centurion.
Die Gerhardstraat-kampus is goed ingerig om studente in verskeie lokale te akkommodeer en bied parkering, ʼn kafeteria, asook wegbreekruimtes. Die kampus is gerieflik naby ʼn inkopiesentrum in Centurion geleë en is stapafstand vanaf die Gautreinstasie. Tans word klasse vir die fakulteite Regte, Ekonomiese en Bestuurswetenskappe en die Geesteswetenskappe hier aangebied.
Die Leriba-kampus bied ʼn tropiese gevoel waar die Opvoedkunde-fakulteit en Natuurwetenskappe-fakulteit studente akkommodeer in ʼn verskeidenheid lokale tussen pragtige tuine. Die kampus bied veilige parkering, ʼn kafeteria en eetsaal, asook wegbreekruimtes. Die kampus is ook die tuiste van die manskoshuise, en Sowel As – Akademia se eie koffiewinkel.
Die twee persele is slegs 2km van mekaar af, en die dameskoshuise ʼn skamele 1.2km vanaf die Gerhardstaat-kampus.
Kom vind uit waarom meer as ʼn 1000 voltydse studente hierdie jaar Akademia hul studietuiste noem.
AKADEMIA – studentwees is meer as net jou studies!
REGISTREER VIR ONS NUUSBRIEF EN BLY OP HOOGTE MET AKADEMIA SE NUUS EN GEBEURE
