Kampusopedag
12 MEI 2023
Sessie een: 17:00-19:30
13 MEI 2023
Sessie twee: 07:30-10:00 | Sessie drie: 11:00-13:30
Kom kyk die kat uit die boom by Akademia se kampusopedag in Centurion
By Akademia wil ons nie hê dat jy moet hare kloof oor jou studieopsies nie. Daarom hou ons ʼn kampusopedag waar jy meer kan uitvind oor ons gehalte kwalifikasies sowel as ʼn voorsmakie kan kry van ons besonderse en unieke studentelewe. So rek jou treë en bespreek jou plek!
WAAROM MOET EK DIE OPEDAG BYWOON?
Om al my studiemoontlikhede te oorweeg
Om solank met dosente te gesels
Om ingeligte besluite te neem
Om ʼn gesonde studentelewe in Afrikaans te ervaar
Om meer oor die Kuns van Studentwees te leer
Om medestudente te ontmoet
Om inligting by adviseurs te kry
Om koshuisverblyf te besigtig
Om vir Fontie te ontmoet
Om die deur na my toekoms te ontsluit
Wat kan ek van die opedag verwag?
’n Oorsig oor Akademia
Kwalifikasiespesifieke inligting
’n Blik op die studentelewe
’n Blik op die studenteverblyf
Belangrike inligting
- As gevolg van beperkte kapasiteit van lokale versoek ons dat voornemende studente deur slegs twee gaste vergesel word.
- Dit is nie nodig om apart vir gaste wat die voornemende student vergesel te bespreek nie. Slegs een registrasie per voornemende student is nodig.
MEER OOR DIE CENTURION-KAMPUS
Akademia se veilige kampus is goed ingerig om studente in verskeie lokale te akkommodeer en bied voldoende parkering, ʼn kafeteria, asook genoegsame wegbreekruimtes. Die kampus is gerieflik naby ʼn inkopiesentrum in Centurion geleë en is stapafstand vanaf die Gautreinstasie.
Kom vind meer uit wat Akademia een uit ʼn duisend maak!
AKADEMIA – jou loopbaanreis begin hier!
REGISTREER VIR ONS NUUSBRIEF EN BLY OP HOOGTE MET AKADEMIA SE NUUS EN GEBEURE
