Inligtingsessie oor die Gevorderde Diploma in Projekbestuur by Akademia in 2026
DATUM
Donderdag 6 November 2025
TYD
18:00-19:30
Vorm projekte deel van jou daaglikse take? Vul jou professionele kundigheid aan met praktiese vaardighede in projekbestuur.
Kom kuier op Internasionale Projekbestuurdag (6 November 2025) aanlyn saam met ons. Hier kan jy uitvind hoe Akademia se Gevorderde Diploma in Projekbestuur studente toerus om die beginsels van projekbestuur te verstaan en om dié beginsels in die praktyk toe te pas, sodat projekte suksesvol ontwikkel en bestuur kan word. Dit rus studente toe met kennis en vaardighede in projekbestuur, projekuitvoering en beheer, tydsbeplanning, kostebestuur, en projekkwaliteit en -risikobestuur.
Indien jy daarin belangstel om die Gevorderde Diploma in Projekbestuur in 2026 via die nauurse afstandsmodel by Akademia te studeer, woon die interaktiewe aanlyn inligtingsessie op Donderdag 6 November 2025 om 18:00 by.
DIE PROGRAM VIR DIE INLIGTINGSESSIE
- ʼn Oorsig van Akademia
- ʼn Oorsig oor die Gevorderde Diploma in Projekbestuur-program
- Hoe werk die klasbywoning?
- Hoe werk die aansoekproses?
- Wat is die toelatingsvereistes?
ʼn Vraag-en-antwoord-sessie om enige knellende navrae te beantwoord.
Let asb. daarop dat hierdie sessie SLEGS die Gevorderde Diploma in Projekbestuur-program hanteer.
HOE WERK DIE REGISTRASIEPROSES VIR DIE INLIGTINGSESSIE?
- Jy moet eers vooraf registreer om toegang tot die inligtingsessie te verkry.
- Registreer deur op hierdie skakel te klik. Voltooi dan die vorm deur jou kontakbesonderhede in te vul, en klik dan op Bespreek.
- Sodra jy suksesvol geregistreer het, sal jy ʼn e-pos ter bevestiging ontvang.
MEER OOR AKADEMIA SE ONDERRIGLEERMODELLE
Meer inligting oor die nauurse afstandsmodel is op die webblad beskikbaar.
Kom vind meer uit oor die Akademia-netwerk – ʼn netwerk van kennis, vriende en werksgeleenthede.
REGISTREER VIR ONS NUUSBRIEF EN BLY OP HOOGTE MET AKADEMIA SE NUUS EN GEBEURE
