Hartlik geluk, Akademia-alumnus

As lid van die Akademia Alumnivereniging kan jy aktief by jou alma mater betrokke bly deur aan alumni-aktiwiteite deel te neem en ʼn trotse ambassadeur van Akademia in jou gemeenskap, die land en die wye wêreld te wees. Alumni word ook op hoogte gehou van werksgeleenthede, loopbaanontwikkeling en ander voordelige geleenthede.

Ontmoet die bestuursliggaam van die Akademia Alumnivereniging

Die bestuursliggaam vir die Akademia Alumnivereniging is in 2018 aangewys en is saamgestel uit drie alumni en twee Akademia-personeellede.

Lindie de Beer

Voorsitter

Lindie is in 2018 as die voorsitter van die Akademia Alumnivereniging aangewys. Haar hoogste kwalifikasie is ʼn meestersgraad in Kommunikasiestudies. Lindie het in 2017 as student by Akademia aangesluit en die Gevorderde Diploma in Projekbestuur voltooi.

Gideon Grobbelaar

Ondervoorsitter

Gideon is in 2018 as die ondervoorsitter van die Akademia Alumnivereniging aangewys. Gideon het ʼn Sertifikaat in Entrepreneurskap by ʼn ander universiteit voltooi voordat hy in 2015 sy Hoër Sertifikaat in Rekeningkunde aan Akademia verwerf het. Gideon is tans besig om die BCom (Bestuursrekeningkunde)-graad aan Akademia te voltooi.

Ziegfried van Huyssteen

Tesourier

Ziegfried is in 2018 as die tesourier van die Akademia Alumnivereniging aangewys. Ziegfried het in Akademia se eerste bestaansjaar in 2012 ʼn Hoër Sertifikaat in Gemeenskapsontwikkeling voltooi. Sy hoogste kwalifikasie is ʼn meestersgraad in Marknavorsing, wat hy aan ʼn ander universiteit voltooi het.

Liana Venter

Registrateur

Liana dien sedert 2016 as registrateur van Akademia en doseer vanaf 2020 deeltyds Entrepreneurskap aan dieselfde instelling. Liana is in 2018 as Akademia Alumnivereniging -lid aangewys. Sy is tans besig met die voltooiing van haar MBA-graad aan die Noordwes-Universiteit.

Sunel Combrinck

Studentesakekoördineerder

Sunel tree op as studentesakekoördineerdeer en is ʼn deeltydse dosent in Ondernemingsbestuur by Akademia. Sy is in 2018 aangewys om as lid van die Akademia Alumnivereniging se bestuursliggaam op te tree.

Met die behaal van jou kwalifikasie is jou loopbaanreis goed op dreef.

Sluit nou by die Akademia Alumnivereniging aan en bly deel van die netwerk van oudstudente.

DEEL JOU STORIE

Is jy ʼn Akademia-alumnus met ʼn inspirerende storie wat jy met studente kan deel?
Dalk het jy ʼn wonderlike herinnering van jou tyd as Akademia-student, of dalk het jy ʼn opwindende beroep betree na jy jou studies voltooi het.

Ons nooi jou graag om jou storie met ons te deel om nog studente te inspireer en help om hulle drome te bewaarheid.


Deel jou storie op Akademia se webblad deur ʼn e-pos na alumni@akademia.ac.za te stuur. Sluit asseblief die volgende inligting by die e-pos in: naam en van, selfoonnommer, watter kwalifikasie jy voltooi het en in watter jaar jy afstudeer het, jou storie en ʼn foto van jouself.

Ons sien uit om jou storie te lees!

SLUIT VANDAG AAN

  • (slegs persoonlike e-posadresse)

REGISTREER VIR ONS NUUSBRIEF EN BLY OP HOOGTE VAN AKADEMIA SE NUUS EN GEBEURE

REGISTREER

REGISTREER VIR ONS NUUSBRIEF EN BLY OP HOOGTE VAN AKADEMIA SE NUUS EN GEBEURE

REGISTREER