Konsultasiesessie: Studeer in 2024

Konsultasiesessie:

Studeer in 2024

Gesels met een van ons bekwame studentewerwers by jou naaste sentrum óf aanlyn om jou aansoek vir studie by Akademia in 2024 te finaliseer.

Akademia is sedert 2012 ŉ akademiese tuiste wat vele oplossing bied vir ŉ verskeidenheid studente. Die nauurse afstandsmodel is ideaal vir studente wat werk, of ander belangstellings nastreef terwyl hulle studeer. Die voltydse kampusmodel word verkies deur skoolverlaters wat voltyds wil studeer en deelneem aan ŉ aktiewe studentelewe.

Aansoeke vir voorgraadse studie, nagraadse diplomas en die Gevorderde Diploma in Projekbestuur sluit eers 9 Februarie 2024.

Ons weet die besluit oor studie kan oorweldigend wees en daarom wil ons jou bystaan met individuele konsultasiesessies. Boek ŉ tydgleuf by jou naaste sentrum of aanlyn, bring al jou dokumentasie saam en ons studentewerwers sal jou bystaan met raad sowel as help om jou aansoekproses te finaliseer.

Hoe werk die registrasieproses vir die konsultasiesessie?

Jy moet vooraf ŉ tydgleuf by een van die sentrums of vir ŉ aanlyn konsultasie bespreek.

Registreer deur op hierdie skakel te klik. Voltooi dan die vorm deur jou kontakbesonderhede in te vul, en klik op “Bespreek”.

Sodra jy suksesvol geregistreer het, sal ŉ studentewerwer jou kontak om ŉ tydgleuf te bevestig.

Indien jy vir die aanlyn sessie registreer, sal die skakel na die aanbieding nader aan die tyd elektronies aan jou gestuur word. Hou gerus jou e-posse dop.

Meer oor Akademia se onderrigleermodelle

REGISTREER VIR ONS NUUSBRIEF EN BLY OP HOOGTE MET AKADEMIA SE NUUS EN GEBEURE