Hoër Sertifikaat in Rekeningkunde
Die Hoër Sertifikaat in Rekeningkunde stel die student in staat om rekeningkundige praktyk te verstaan en om rekeningkundige funksies suksesvol te kan uitvoer. Hierdie kwalifikasie bied ook kandidate wat nie aan die vereistes vir graadstudies voldoen nie ʼn toegangsroete tot verdere studies. Ná voltooiing van hierdie hoër sertifikaat kan afgestudeerdes aansoek doen om verdere graadstudie.
WAT KAN EK MET MY HOËR SERTIFIKAAT IN REKENINGKUNDE DOEN?
Die Hoër Sertifikaat in Rekeningkunde is ʼn praktykgerigte program op NKR-vlak 5. Dit gee ʼn suksesvolle student toegang tot verdere diploma- en graadstudie in die rekeningkundige wetenskap. Ná die voltooiing van hierdie program, sal ʼn student klerikale boekhoufunksies suksesvol kan verrig.
Die Gedragsowerheid vir die Finansiële Sektor (Financial Sector Conduct Authority – FSCA), voorheen bekend as die Finansiëlediensteraad (Financial Services Board – FSB), erken die Hoër Sertifikaat in Rekeningkunde ingevolge hul geskiktheidsvereiste. Dit beteken dat studente wat die program voltooi het, voldoen aan die FAIS se wetlike vereiste vir ʼn kategorie I-finansiëlediensteverskaffer, verteenwoordiger en sleutelindividu.
WAT BEHELS DIE PROGRAM?
NKR-vlak 5
130 krediete
SAKO-nommer: 86487
ONDERRIGLEERMODEL: Nauurse afstandsmodel
KWALIFISEER EK OM ‘N HOËR SERTIFIKAAT IN REKENINGKUNDE TE STUDEER?
MODULES
Die module bied aan studente kennis van finansiële rekeningkunde, asook die toepassing van hierdie beginsels in ’n organisasie.
Die module bied aan studente kennis en vaardighede om kosterekeningkundige beginsels toe te pas.
Die module bied aan studente ’n begrip vir die basiese beginsels van ekonomiese besluitneming, ekonomiese wisselwerking en hoe die ekonomie in geheel funksioneer.
Die module bied ’n begrip vir inligtingstelsels wat in ’n sakeomgewing toegepas word.
Die module rus studente toe met kennis en vaardighede om basiese belastingbeginsels toe te pas.
Die module behandel die beginsels en prosesse wat met eksterne oudit verband hou.
Die module weerspieël die wetlike raamwerk vir sakeondernemings en behandel die grondslag van kommersiële aktiwiteit. Dit sluit wetlike aspekte oor kontrakte en indiensneming in, asook die finansiering, administrasie en bestuur van maatskappye.
Die module bied die kennis en vaardigheid om algemene berekeninge wat in sakeondernemings gedoen moet word, toe te pas.
ANDER INLIGTING
Die program kan in ’n minimum tydsduur van een jaar voltooi word. Die maksimum toelaatbare tyd vir voltooiing is drie jaar.
Toelatingsvereistes
- Nasionale Senior (NSS) wat diploma- of hoër sertifikaat-studies spesifiseer met minstens 50% in die onderrigtaal van Akademia.
- OF vlak-4 beroepsgerigte Nasionale Sertifikaat met minstens 50% in die onderrigtaal van Akademia.
Besoek die betalingsopsies-blad vir die nuutste programkostes.
Handboeklyste word na suksesvolle registrasie aan studente gekommunikeer.
DOEN NOU AANSOEK OM ‘N HOËR SERTIFIKAAT IN REKENINGKUNDE TE STUDEER
