“Akademia moet gesien word teen die agtergrond van ʼn gemeenskap wat self verantwoordelikheid wil neem vir hulle taal, kultuur en ontwikkeling. Hierdie wesenskenmerk van die Afrikaanse gemeenskap kan opgespoor word in die ontstaansmomente van vele Afrikaanse skole, sowel as Afrikaanse universiteite aan die begin van die twintigste eeu. Hierdie hunkering het nie bloot ten doel om die Afrikaanse taal in beskerming te neem nie, maar strek veel wyer en lê ook in vertrekpunte met betrekking tot die bestudering van die wetenskap, die aard en rol van die universiteit en die vorming en ontwikkeling van studente binne daardie konteks.”